Уживајте во системите за помош во возењето

Овој систем се активира на брзини помеѓу 40 и 140 км/h. Тој ја подесува брзината и овозможува безбедносна дистанца со возилото пред вас. Доколку растојанието е мало системот ја активира сопирачката, а штом стане беезбедно се активира папучата за гас. 

Со сензори поставени напред, позади и на страничните страни, возачот може да ужива кога возилото се паркира. Easy Park Assist му помага на возачот да најде место за паркирање (странично, вертикално, косо), со мерење на просторот и сам го насочува возилото. На возачот не му останува ништо, освен да управува со гас, сопирачка и менувач.

Кога системот е активен, камерата сместена во предниот дел на возилото, детектира присуство на возило (во двете насоки) и движење во урбана зона. Доколку осветлувањето е послабо, а не е детектирано возило преку камерата и возилото се движи со брзина поголема од 45 км/h, автоматски се вклучуваат долги светла. Ако еден од овие услови не е исполнет автоматски се префрлаат на кратки светла.

12 сензори поставени напред, назад и од страна детектираат препреки (столбчиња, други возила, пешаци) 360* околу вас. Возачот се предупредува со звучен сигнал доколку премногу се доближи на препреката.

Подвижен Head-up екран поставен над инструмент таблата дава јасна слика на сите поважни информации. На тој начин возачот не мора да го трга погледот од патот, а ги добива информациите како: упатство за навигација, моментална брзина или податоци од системот за помош при возење.